Nggunakake piranti ing kahanan teles utawa mbledug
Kanggo njamin sipat kuwat banyune piranti sampeyan, kabeh tutup, kalebu tutup port USB
mikro, slot kertu SIM, lan slot kertu memori kudu katutup rapet.
139
Iki penerbitan versi Internet. © Dicetak khusus kanggo keperluan pribadi.
Piranti pinter sampeyan kuwat banyu lan bledug miturut biji Ingress Protection (IP) IP55
lan IP58 sing dipratelakake ing tabel ngisor iki. Kanggo ndeleng katrangan IP sing luwih
kusus maneh ngenani piranti sampeyan, bukak
www.sonymobile.com/global-en/legal/
testresults/
lan klik ing jeneng piranti sing padha.
Tingkat IP tartamtu tegese telpon sampeyan kuwat bledug lan dilindhungi saka ili banyu
sing tekanane cilik uga tumrap kekum ing banyu tawar (ora asin) sasuwenen 30 menit lan
sajerone nganti 1,5 meter.
Sampeyan bisa nggunakake piranti:
•
ing lingkungan bledug, contone, ing pantai sing semribit.
•
nalika driji sampeyan teles.
•
ing kaanan hawa ekstrim, contone, nalika udan salju utawa udan banyu.
•
ing banyu tawar (ora asin) sajerone 1,5 meter utawa kurang, contone, ing tlaga utawa
kali banyu tawar.
•
ing kolam renang sing ngandhut klorin.
Senajan piranti sampeyan kuwat bledug lan banyu, aja mbabarake piranti menyang
kahanan sing akeh bledug, wedhi, lan blethok utawa kahanan lembap lan temperatur
sing nemen dhuwur utawa endhek. Kakuwatan kelawan banyune port USB mikro, slot
kertu SIM, slot kertu memori, lan colokan headset ora bisa dijamin ing kabeh panggon
utawa kahanan.
Aja pisan-pisan nyemplungake piranti ing banyu asin utawa nyebabake port USB mikro
utawa colokan headset kena banyu asin. Contone, yen sampeyan ing pantai, elinga
supaya ngadohake piranti saka banyu segara. Uga, aja mbabarake piranti menyang
cairan kimia. Contone, yen sampeyan asah-asah nganggo tangan lan deterjen encer, aja
nganti piranti kena deterjen. Sawise dibabarake menyang banyu ora tawar, bilas piranti
nganggo banyu tawar.
Panggunan normal kanthi swasana sing ngrusak piranti bisa nyuda kakuwatane nahan
bledug utawa lembap. Sawise nganggo piranti ing banyu, lap bageyan-bageyan ing
sakupenge tutup-tutup, kalebu tutup port USB mikro, slot kertu SIM, lan slot kertu
memori.
Yen speaker utawa mikropon teles, fungsine bisa kena pengaruh sadurunge banyu
garing temenan. Elinga yen wektu garinge bisa nganti telung jam, gumantung kahanane.
Sajroning wektu iki, sampeyan isih bisa nggunakake fitur liyane sing ora nganggo
speaker utawa mikropon. Kabeh aksesori sing cocog, kalebu baterei, pangisi daya,
piranti handsfree, lan kabel USB mikro ora kuwat bledug lan banyu.
Jaminan sampeyan ora kalebu karusakan utawa cacat sing disebabake panggunan
piranti sing ngrusak utawa ora samesthine (kalebu panggunan ing panggonan sing
ngluwihi watesan tingkat IP). Yen ana pitakonan liyane babagan panggunan produk,
hubungi layanan Bantuan Langganan kanggo golek pitulung. Saliyane kuwi, kanggo
informasi jaminan, deleng
Informasi penting
sing bisa diakses liwat Tuntunan wiwitan ing
piranti.